PROIEKTUA

Proiektu honen helburua kalitatezko Sexu Heziketaren premiazko eta garrantzizko beharrari erantzutea da. Kalitatezko Sexu Heziketak Giza Sexu Izateari buruzko ezagutzak eta oinarrizko ideiak helarazi beharko lituzke eta sexu-aniztasuna ulertzen lagundu; ez soilik arriskuen prebentziora mugatuz, baizik eta baloreak landuz, sexuen elkarbizitzarako heziz eta sexua balio bat bezala jorratuz.
Proiektu honek esku-hartze proposamen integrala eskaintzen du, heziketa-komunitatearen hiru zutabeak barne hartuz: ikasleak, irakasleak eta familiak.
Adinaren araberako bi esku-hartze desberdin aurkezten dira:

·Haur Hezkuntza
·Lehen Hezkuntza eta Bigarren Hezkuntzako 1. eta 2. maila

Sexu Heziketaren kalitatea bermatzeko esku-hartzea Sexologiako profesionalek egitearen garrantzia azpimarratu nahi dugu. Izan ere, aditu hauek aniztasuna epaitu gabe ulertzen lagundu ahal diete ikasleei, eta baita sexuen ezagutza eskuratzen ere, sexuen modu, ñabardura eta berezitasunekin; Giza Sexu Izatea aberastasun iturri bezala ulertarazten ere lagunduz; sexualitatearekiko jarrera positiboa sustatuz eta jakingurazko begirada ulerkor eta maitakorra sustatuz, egiazkoak egiten gaituen aniztasuna baloratuz eta onartuz.

Beraz, proiektu hau eskaintzeko, Sexu Heziketan adituak diren Sexologiako profesionalen sare bat sortu dugu, esku-hartze hezitzailearen kalitatea bermatzeko.